Mikel Arteta, fyrrum leikmaður Arsenal, var mjög nálægt því að taka við stjórastarfinu hjá félaginu.
Arteta var um tíma líklegastur til að taka við eftir að Arsene Wenger sagði skilið við félagið.
Arteta var efstur á lista Arsenal áður en Unai Emery var ráðinn til starfa sumarið 2018.
Spánverjinn er í dag aðstoðarþjálfari Manchester City og vildi vinna áfram með Pep Guardiola.
,,Ég var við það að fara til Arsenal en ég ákvað að stöðva það sjálfur. Ég er ekki að flýta mér og ég taldi að ég þyrfti ekki að taka skrefið,“ sagði Arteta.
,,Það fylgja þessu mikilvæg skilyrði, sérstaklega þegar þetta er fyrsta reynslan.“