Hjörvar Hafliðason, Dr Football skilur ekki hvernig vinskapur Arnórs Sigurðssonar og Ousmane Dembele kom til.
Dembele er franskur landsliðsmaður sem leikur með Barcelona, hann er duglegur að setja ummæli við myndir Arnórs.
,,Hvernig stendur á því að Facebook vinur minn Arnór Sig og Ousmane Dembélé eru bestu félagar?,“ skrifar Hjörvar á Twitter.
Arnór hefur slegið í gegn með CSKA Moskvu í Rússlandi en þar er hann að hefja sitt annað tímabil. Arnór gæti stigið skrefið í stærra lið innan tíðar.
Dembele kostaði Barcelona meira en 100 milljónir punda fyrir tveimur árum en félagið hefur áhuga á að losna við hann.
Hvernig stendur á því að Facebook vinur minn Arnór Sig og Ousmane Dembélé eru bestu félagar? pic.twitter.com/lCzG0qeEm8
— Hjörvar Hafliðason (@hjorvarhaflida) August 6, 2019
