Magni kom öllum á óvart í Inkasso-deild karla í kvöld er liðið lék við Keflavík á útivelli.

Magni hefur lítið sýnt í sumar en vann aðeins sinn annan sigur í kvöld í Keflavík. Magna-menn unnu frábæran 3-0 útisigur. Liðið er enn á botninum en þó með jafn mörg stig og Njarðvík sem er í öruggu sæti.

Fjölnir er með tveggja stiga forskot á toppnum en liðið mætti Fram. Fjölnismenn föpgnuðu 3-1 sigri og eru með 26 stig á toppi deildarinnar.

Grótta er í öðru sætinu, tveimur stigum á eftir Fjölni en liðið vann afar sterkan 1-0 útisigur gegn Þrótti Reykjavík á sama tíma.

Rick ten Voorde stimplaði sig inn í Inkasso-deildina en hann gerði bæði mörk Þórs í 2-1 sigri á Njarðvík. Ten Voorde kom nýlega til Þórsara frá Víkingi Reykjavík á láni.

Hér má sjá öll úrslit og markaskorara kvöldsins.

Keflavík 0-3 Magni
0-1 Kristinn Þór Rósbergsson
0-2 Lars Óli Jessen
0-3 Áki Sölvason(víti)

Fjölnir 3-1 Fram
1-0 Guðmundur Karl Guðmundsson
2-0 Jóhann Árni Gunnarsson
2-1 Helgi Guðjónsson(víti)
3-1 Guðmundur Karl Guðmundsson

Þróttur R. 0-1 Grótta
0-1 Óliver Dagur Thorlacius(víti)

Þór 2-1 Njarðvík
1-0 Rick ten Voorde
1-1 Jóhannes Helgi Hannesson(sjálfsmark)
2-1 Rick ten Voorde

Víkingur Ó. 2-0 Haukar
1-0 Vidmar Miha
2-0 Sallieu Capay Tarawallie

Leiknir R. 3-2 Afturelding
1-0 Sólon Breki Leifsson
1-1 Alexander Aron Davorsson(víti)
2-1 Stefán Árni Geirsson
2-2 Andri Freyr Jónasson
3-2 Sævar Atli Magnússon