Viðar Örn Kjartansson lék sinn síðasta leik fyrir Hammarby í kvöld er liðið mætti GIF Sundsvall í Svíþjóð.
Viðar hefur undanfarnar vikur leikið með Hammarby í láni en hann er samningsbundinn Rostov í Rússlandi.
Viðar gerði lánssamning við Hammarby og skoraði sitt sjöunda mark í deild í 3-2 sigri.
Landsliðsmaðurinn skoraði sigurmark Hammarby á 92. mínútu leiksins í dag og kveður því á frábæran hátt.
,,Kaupa, kaupa, kaupa!“ skrifar einn stuðningsmaður Hammarby við færslu félagsins á Twitter.
Aron Jóhannsson hefur gert samning við Hammarby og á að taka við af Viðari í markaskorun.
