Jose Mourinho er án félags þessa stundina en hann var rekinn frá Manchester United í desember.

Mourinho hefur enn ekki fundið sér nýtt starf en vill snúa aftur í sumar þar sem hann saknar fótboltans.

Portúgalinn er að læra þýsku þessa stundina sem gefur í skyn að hann gæti tekið við liði í Þýskalandi.

,,Ég sakna fótboltans gríðarlega mikið. Ég sakna adrenalínsins, vallarins og starfsins. Fótbolti er fótbolti,“ sagði Mourinho.

,,Nú er ég að læra þýsku. Bundesligan? Ég er að læra þýsku því ég sakna tungumálsins.“

,,Ég tala ensku, spænsku, portúgölsku, frönsku og ítölsku. Ég útiloka þó ekki neitt, ekki einu sinni Þýskaland.“