England 2-4 Rúmenía
0-1 George Puscas(76′)
1-1 Demarai Gray(79′)
1-2 Ianis Hagi(85′)
2-2 Tammy Abraham(87′)
2-3 Florinel Coman(89′)
2-4 Florinel Coman(93′)
Það var búist við miklu af enska U21 landsliðinu á EM í sumar en margar stjörnur spila fyrir liðið.
Leikmenn á borð við James Maddison, Dominic Calvert-Lewin, Aaron Wan-Bissaka, Phil Foden, Tammy Abraham og Demarai Gray eru á meðal leikmanna í liðinu.
England hóf riðlakeppnina á grátlegu 2-1 tapi gegn Frökkum þar sem bæði mörk Frakka komu undir lokin.
Enska liðið þurfti að svara fyrir sig í dag gegn Rúmeníu en tapaði á ótrúlegan hátt, 4-2.
Staðan var markalaus þar til á 76. mínútu leiksins og á 17 mínútum fengu áhorfendur heil sex mörk.
England er úr leik á mótinu eftir tapið í dag og ljóst að starf þjálfarans Aidy Boothroyd er í hættu.
Enski boltinn á 433 er í boði 
