Þrír leikmenn Nicaragua, hafa verið sendir heim af Gullbikarnum eftir hafa leigt sér vændiskonur. Þetta gerðu þeir eftir 4-0 tap gegn Kosta Ríka.

Henry Duarte, þjálfari liðsins,  sendi leikmennina heim eftir að öryggisverðir á hótelinu vöktu hann. Þeir höfðu tekið eftir því að vændiskonur, voru að fara inn á herbergi þeirra.

Um er að ræða leikmennina, Marlon Lopez, Carlos Montenegro og Carlos Chavarria sem allir eru farnir heim.

Atvikið átti sér stað á aðfaranótt sunnudags. ,,Öryggisverðir á hótelinu vöktu mig 01:00, mér voru sýnd myndbönd af þremur leikmönnum að fara inn á herbergi sín,“ sagði Duarte, þjálfari liðsins.

,,Mér var tjáð hvaða leikmenn þetta voru, ég fór inn á herbergi Montenegro og Chavarria, og sagði þeim að pakka saman og fara.“

,,Svo var mér hleypt inn á þriðja herbergið og þar var stúlka að koma úr sturtu. Þar var líka Marlon Lopez, klukkan var 02:00. Ég sagði honum að klára sig af, síðan ætti hann að pakka í töskur þegar það væri búið.“