Markvörðurinn Wojciech Szczesny ætlaði sér aldrei að yfirgefa Arsenal áður en hann fór til Ítalíu á sínum tíma.
Pólverjinn spilaði 181 leik fyrir arsenal á ferlinum en var varamaður eftir komu Petr Cech frá Chelsea.
Szczesny fór því til Roma og síðar Juventus þar sem hann reyndist vera arftaki Gianluigi Buffon.
,,Ég vildi spila með Arsenal allan ferilinn. Þetta er félagið sem ég elska og ég styð það ennþá. Ég gaf allt til að spila þarna,“ sagði Szczesny.
,,Ég sé eftir því að hafa ekki gert meira þarna. Ég vann tvo FA bikara og Samfélagsskjöldinn en hefði verið til í að vinna einn deildarmeistaratitil.“
,,Stundum þarftu þó að hugsa með heilanum frekar en hjartanu.“
