Alexis Sanchez, leikmaður Manchester United, hefur verið harðlega gagnrýndur síðan hann samdi við félagið.
Sanchez kom til United frá Arsenal í janúar og var búist við miklu af þessum þrítuga leikmanni.
Hann hefur þó alls ekki staðist væntingar eftir að hafa verið mjög góður í nokkur ár með Arsenal.
Stuðningsmenn United eru pirraðir út í Sanchez þessa stundina eftir mynd sem hann birti á Instagram.
Þar gefur Sanchez út að hann sé stjarnan í nýrri kvikmynd sem er væntanleg.
,,Er þetta það sem þú ert búinn að vera að gera? Borgaðu félaginu til baka þá peninga sem þú stalst,“ sagði einn stuðningsmaður.
,,Ég vissi að þú værir að leika fótboltamann allan þennan tíma,“ skrifaði annar.
Sanchez fær gríðarlega há laun hjá United en hann er launahæsti leikmaður deildarinnar.