Derby County tryggði sér farseðilinn á Wembley í kvöld er liðið vann 4-2 sigur á Leeds á Elland Road.
Um var að ræða seinni leik liðanna í undanúrslitum umspilsins um laust sæti í efstu deild.
Leeds vann fyrri leikinn 1-0 á Pride Park en Derby vann svo frábæran 4-2 útisigur í kvöld og fer í úrslit.
Þar mun liðið spila við Aston Villa en Villa sló West Bromwich Albion úr leik í gær.
Úrslitaleikurinn er sérstakur fyrir stuðningsmenn Chelsea en þar mætast tvær goðsagnir félagsins.
Frank Lampard er markahæsti leikmaður í sögu Chelsea í úrvalsdeildinni og er stjóri Derby.
John Terry er þá hjá Aston Villa en hann er í guðatölu á Stamford Bridge og var lengi fyrirliði liðsins.
Það sem er kannski enn áhugaverðara er að þessir tveir eru bestu vinir og hafa verið í mörg ár. Sú vinátta verður sett til hliðar í þessum risastóra leik.