Manchester City gæti misst sæti sitt í Meistaradeild Evrópu á næstu leiktíð, ef allt fer á versta veg.

UEFA hefur verið að rannsaka City síðustu mánuði, grunur leikur á um að félagið hafi brotið reglur.

Strangar reglur eru um fjárhag félaga og leikur grunur um að City hafi brotið þær reglur.

Yves Leterme, sér um rannsókn en talið er að hann muni leggja fram gögn á næstu dögum um fjárhag City og brot þeirra.

Ensk blöð segja að líkur séu á að Leterme leggi það að fram að City verði dæmt úr leik, í eitt ár úr Meistaradeildinni. Það yrði til þess að Arsenal sem endaði í fimm sæti, myndi fá sætið.

City varð enskur meistari um liðna helgi, rannsókn UEFA ku ekki hafa áhrif á þau úrslit.