Neil Warnock, stjóri Cardiff notar magnaða endurkomu Tiger Woods til að kveikja í Aroni Einari Gunnarssyni og félögum.
Cardiff er í vondri stöðu í Premier League, liðið þarf líklega að vinna þrjá af síðustu fimm leikjum sínum til að halda sér í deildinni.
Sigur gegn Brighton í kvöld gæfi liðinu mikla von, liðið væri þá bara tveimur stigum frá öruggu sæti.
Tiger Woods vann Masters golfmótið um helgina, allir höfðu afskrifað Tiger sem hafði ekki unnið risamót í 11 ár. Ferill hans virtist hafa náð endastöð.
,,Við verðum bara að horfa í golfið og sjá hvað Tiger gerði, það var magnað,“ sagði Warnock.
,,Það gaf ekki nokkur maður, Tiger séns. Hann hafði verið afskrifaður oft og við líka.“
,,Við verðum að fara til Brighton, þar er tækifæri ti að gefa okkur líflínu.“