Hörður Snævar Jónsson skrifar frá Andorra:
Ragnar Sigurðsson var besti leikmaður Íslands í 0-2 sigri á Andorra í kvöld. Um var að ræða fyrsta leik liðsins í undankeppni HM.
„Mjög fegnir. Þetta var skyldusigur fyrir okkur og við gerðum þetta vel. Við bjuggumst við að þeir myndu leyfa okkur vera með boltann. Við sköpuðum fleiri færi í byrjun leiks en ég bjóst við fyrirfram. Það tók smá tíma að ná seinna markinu en svo kom það og við sigldum þessu heim,“ sagði Ragnar við Stöð2 eftir leikinn í kvöld.
„Já. Við vorum klaufar að vera að brjóta af okkur nálægt markinu okkar. Við vissum að þetta væri það eina sem þeir gætu. Lélegt hjá okkur að vera að bjóða upp á það en sem betur fer kláruðum við það.“
Ragnar var ekki sáttur með aðstæður og leikstíl þéirra.
„Það var allt í lagi. Þetta var ekkert frábært gervigras en það skiptir ekki máli í svona leik.“
„Þeir voru gjörsamlega óþolandi eins og við vissum. Við náðum að halda haus; ég held að enginn hafi fengið gult spjald svo þetta var mjög fagmannlegt hjá okkur.“