Hörður Snævar Jónsson skrifar frá Andorra:
Íslenska landsliðið er mætt til Andorra og nú er að ganga í garð síðasti sólarhringurinn, fyrir leikinn mikilvæga gegn heimamönnum á morgun. Undankeppni EM, hefst á morgun.
Íslenska liðið mætti til Spánar á mánudag, dvaldi í Peralada í Katalóníu og æfði þar í þrígang. Liðið fór í svo þriggja klukkutíma rútuferð til Andorra. Liðið æfir nú á keppanisvellinum.
,,Ljúft að vera hérna, fyrsta sinn sem ég kem til Andorra. Þetta er fallegt land miðað við það sem ég hef séð, ég er spenntur fyrir því að hefja undankeppnina. Leikurinn á morgun verður áhugaverður, ég á von á erfiðum leik. Ég virði úrslit Andorra, á heimavelli. Við búumst við erfiðum leik, við vitum að það er erfitt að vinna þá, við komum hingað til að reyna að sækja þrjú stig. Spenntur að hefja undankeppnina,“ sagði Hamren við fréttamenn í dag.
,,Þeir eru vel skipulagðir varnarlega, vinna vel saman sem lið. Sterkir varnarlega, leggja mikið á sig saman. Erfitt að skora gegn þeim á heimavelli.“
Hamren á sér draum og það er að komast í lokamót EM, á næsta ári. Til að sá draumur rætist, þarf Hamren að fara að vinna leiki.
,,Leikmenn þekkja að spila öðruvísi leiki, stundum erum við líklegri til sigur en stundum ekki. Þessu eru þeir vanir í félagsliði og landsliði, það er ekki erfitt að kveikja í þeim. Draumur okkar er EM 2020, þá þurfum við góð úrslit. Við erum spenntir að byrja, þetta er ekki vandamál fyrir mig sem þjálfara.“