Brasilíumaðurinn Neymar varð brjálaður í síðustu viku eftir tap Paris Saint-Germain gegn Manchester United.
Neymar lét heyra í sér á samskiptamiðlum eftir 3-1 tap og hraunaði þar yfir dómara leiksins.
United komst áfram eftir mark Marcus Rashford en hann skoraði úr vítaspyrnu á 93. mínútu leiksins.
Neymar var virkilega sár eftir þann vítaspyrnudóm og segir að þeir sem vita ekkert um fótbolta sjái um myndbandstæknina VAR.
,,Þetta er til skammar. Þetta er ekki hægt. Farið til fjandans,“ var á meðal þess sem Neymar sagði.
UEFA hefur nú ákveðið að rannsaka þessi ummæli Neymar og gæti hann átt von á ákæru og harðri refsingu.
Neymar spilaði ekkert í báðum leikjunum gegn United en hann hefur verið að glíma við erfið meiðsli.
