Sergio Aguero hefur framlengt samning sinn við Manchester City til ársins 2021. Hann mun því verða hið minnsta tíu ár hjá félaginu.
Aguero kom frá Atletico Madrid árið 2011 en hann mun þéna 220 þúsund pund á viku í föst laun.
Aguero er markahæsti leikmaður í sögu City en hann hefur skorað 204 mörk í 299 leikjum fyrir félagið.
,,Ég er ánægður með að bæta við einu ári, ég ætlaði mér að vera hér í tíu ár. Ég hef verið í sjö ár og núna verða þau tíu,“ sagði Aguero.
,,Vonandi gerist það, það var ástæða þess að ég framlengdi samning minn.“
