Sky Sports heldur því fram að sögur um að allt sé í frosti í samningaviðræðum Raheem Sterling við Manchester City séu lygar.
Guardian, Telegraph og fleiri blöð hafa sagt frá þessu en samkvæmt Sky er ekkert til í því.
Sky Sports segir að viðræður um nýjan samning séu að hefjast og bæði City og umboðsmaður Sterling vonast til að allt klárist í september.
Sterling verður samningslaus árið 2020 og er á eftir talsverðri launahækkun, hann telur sig eiga hana skilið.
Sterling var einn besti leikmaður City í fyrra þegar liðið slátraði ensku úrvalsdeildinni.
