Maurizio Sarri knattspyrnustjóri Chelsea vill fá John Terry aftur til félagsins.

Sarri vill hins vegar aðeins fá Terry inn í þjálfarateymi sitt en Terry langar að spila eitt ár í viðbót.

Terry var mjög nálægt því að ganga í raðir Spartak Moskvu en hætti við á síðustu stundu, hann gæti samið aftur við Aston Villa sem hann lék með á síðustu leiktíð.

,,Síðast þegar ég ræddi við hann þá vildi hann spila í eitt ár í viðbót,“ sagði Sarri.

,,Ég veit ekki hver staðan er í dag, ég ræddi við hann fyrir viku. Chelsea er hans heimili.“

,,Ég myndi vilja fá Terry aftur til félagsins.“

Terry vann ensku úrvalsdeildina fimm sinnum með Chelsea og var leiðtogi félagsins.