Everton á Englandi er að fá öflugan liðsstyrk fyrir komandi átök í ensku úrvalsdeildinni.

Samkvæmt enskum miðlum er Everton að fá vængmanninn Bernard sem kemur á frjálsri sölu.

Bernard er 25 ára gamall Brasilíumaður en hann hefur undanfarin fimm ár spilað með Shakhtar Donetsk.

Hann er nú búinn að ná samkomulagi við Everton samkvæmt fregnum en á aðeins eftir að fá atvinnuleyfi.

Bernard er skemmtilegur leikmaður en hann er mjög smávaxinn og er aðeins 164 sentímetrar á hæð.

Bernard skoraði 14 mörk í 96 deildarleikjum fyrir Shakhtar en hann er einnig brasilískur landsliðsmaður og á að baki 14 leiki fyrir sína þjóð.