Wayne Rooney, fyrrum leikmaður Manchester United, segir að spilamennska Paul Pogba hjá félaginu sé ekki Jose Mourinho að kenna.
Pogba þykir vera ansi óstöðugur í sínum leik fyrir United og fær reglulega að heyra það vegna þess.
Rooney þekkir Pogba og Mourinho vel en hann segir að þetta sé aðeins undir Frakkanum komið frekar en þjálfaranum.
,,Hann er frábær leikmaður en hann þarf að sjá um þetta sjálfur,“ sagði Rooney í samtali við CNN.
,,Ef þeir ætla að vinna titilinn þá þarf hann að vera maðurinn í miðjunni.“
,,Það er mikið talað um að það sé undir Mourinho komið að ná því besta úr honum en hann þarf að gera þetta sjálfur og sanna það að hann geti hjálpað liðinu.“
