Liverpool á Englandi mun ekki leyfa framherjanum Divock Origi að semja við Borussia Dortmund í sumar.

Frá þessu er greint í dag en Dortmund hefur reynt að fá Origi frá enska félaginu undanfarnar vikur.

Dortmund vill hins vegar aðeins fá Origi á láni út tímabilið en hann lék með Wolfsburg á síðustu leiktíð.

Liverpool er ekki opið fyrir því að lána Origi og er komið með nóg af Dortmund sem reynir ítrekað að fá hann á lánssamningi.

Dortmund var ekki tilbúið að borga verðmiðann á Origi en hann mun kosta 22 milljónir punda.

Wolves reyndi að fá hann fyrir þá upphæð fyrr í sumar en Origi hafnaði sjálfur að ganga í raðir liðsins.

Enski boltinn á 433 er í boði