Mario Balotelli, fyrrum leikmaður Manchester City og Liverpool, hefur þurft að horfa á HM í sumar í sjónvarpinu.
Balotelli er partur af ítalska landsliðinu en Ítalíu mistókst að tryggja sér sæti á mótinu eftir tap gegn Svíum í umspili.
Enskir stuðningsmenn hafa verið duglegir að senda Balotelli skilaboð í sumar og gera grín að framherjanum.
Balotelli nýtti sér það í gær en England er nú úr leik eftir tap gegn Króatíu í undanúrslitum.
Mikið var talað um það í sumar að fótboltinn væri á leið heim til Englands en það gerist ekki eftir tapið gegn Króatíu.
Balotelli birti mynd á samskiptamiðla ásamt texta þar sem hann ákvað að strá salti í sárin hjá ákveðnum stuðningsmönnum Englands.
Myndina má sjá hér en Balotelli segist einnig elska England en að sumir hafi gengið of langt með skilaboðunum sem þeir sendu á Ítalann.