Fernando Torres framherji Atletico Madrid mun yfirgefa félagið þegar tímabilið er á enda.
Torres er 34 ára gamall og er samningur hans við félagið á enda.
Framherjinn knái hefur átt frábæran feril en hann snéri aftur heim árið 2015.
Þá hafði hann dvalið á Englandi hjá Liverpool og Chelsea, hann vann Meistaradeildina og Evrópudeildina með Chelsea.
Torres ólst upp hjá Atletico Madrid og fær heiðursleik undir lok tímabilsins.
,,Hann mun spila í nokkur ár í viðbót og það er Bandaríkin eða Kína sem er næsta skref,“ sagði Guilem Balague sérfræðingur Sky Sports.
