Linda Björ Árnadóttir hönnuður gagnrýnir ERREA og KSÍ fyrir hvernig var staðið að því að hanna nýjan landsliðsbúning.
Nýr landsliðsbúningur var kynntur í höfuðstöðvum KSÍ í dag og hefur almennt vakið mikla lukku.
Linda er hins vegar ekki sátt með ERREA og KSÍ og sakar meðal annars ítalska fyrirtækið um nísku en ERREA hafði samband við Lindu.
Meira:
Sjáðu myndirnar – Nýr búningur Íslands
,,Ljóst var að hönnun á slíkum búning er heilmikil vinna. Í ljós koma að ERREA vildi einungis greiða 100 þús fyrir vinningstilöguna en 30 þús fyrir aðrar innsendar tillögur. Ég mótmælti þessum upphæðum sem mér fannst niðurlægjandi fyrir hönnuði og á endanum hækkaði fyrirtækið upphæðirnar í 150/50 þús. Ég sendi út formleg boð til viðkomandi hönnuða og ég veit fyrir víst að allavega einn skilaði inn tillögu. Ég kom ekki frekar að þessu máli og ERREA svaraði ekki fyrirspurn minni um innsendar tillögur en læt mér detta í hug að einhverjir hafi ekki skilað inn vegna þess hve upphæðir voru lágar,“ skrifar Linda í ítarlegum pistli á Facebook.
Hún er einnig ósátt með KSÍ hvernig þeir stóðu sig í málinu.
,,Er í alvöru ekki hægt að greiða hönnuðum fyrir vinnu sína? Nú hefur komið í ljós að ítalskur hönnuður hefur hannað hina nýju treyju og hinni íslensku samkeppninni stungið undir stól. Það eru augljóslega til peningar í þessu verkefni en samt má ALLS EKKI greiða íslenskum hönnuðum fyrir vinnu sína. Ég er mjög svekkt út í íslensk fótboltayfirvöld vegna þesa máls,“ skrifar Linda en pistill Lindu er í heild hér að neðan.
Pistill Lindu í heild:
Á haustmánuðum hafði samband við mig forsvarsmaður ERREA á Íslandi og hafði áhuga á því að stofna til samkeppni meðal valdra íslenskra hönnuða um hönnum á hinni nýju íslensku fótboltatreyju sem framleiða átti fyrir HM 2018.
Þetta gladdi mig mikið, að loskins ætti að gefa íslenskum hönnuðum tækifæri að hanna keppnisbúning á íslenska landsliðið. Uppi voru hugmyndir um íslenska þjóðin fengi kjósa á netinu á millli þriggja hugmynda. Mér var falið að skrifa samkeppnislýsingu og velja hönnuði til að taka þátt í samkepnninni. Hafi ég hafði samband við 3 hönnuði sem allir höfðu komið að hönnun íþróttafatnaðar .
Ljóst var að hönnun á slíkum búning er heilmikil vinna. Í ljós koma að ERREA vildi einungis greiða 100 þús fyrir vinningstilöguna en 30 þús fyrir aðrar innsendar tillögur. Ég mótmælti þessum upphæðum sem mér fannst niðurlægjandi fyrir hönnuði og á endanum hækkaði fyrirtækið upphæðirnar í 150/50 þús. Ég sendi út formleg boð til viðkomandi hönnuða og ég veit fyrir víst að allavega einn skilaði inn tillögu. Ég kom ekki frekar að þessu máli og ERREA svaraði ekki fyrirspurn minni um innsendar tillögur en læt mér detta í hug að einhverjir hafi ekki skilað inn vegna þess hve upphæðir voru lágar.
Mér finnst líklegt að framleiðsla á einni treyju kosti innan við 100 ísk og að seldar hafi verið allavega 50-60 þús treyjur af EM 2016 týpunni. Hún kostar um 6000 í heildsölu og 9990 á errea.is
Er í alvöru ekki hægt að greiða hönnuðum fyrir vinnu sína?
Nú hefur komið í ljós að ítalskur hönnuður hefur hannað hina nýju treyju og hinni íslensku samkeppninni stungið undir stól. Það eru augljóslega til peningar í þessu verkefni en samt má ALLS EKKI greiða íslenskum hönnuðum fyrir vinnu sína. Ég er mjög svekkt út í íslensk fótboltayfirvöld vegna þesa máls.
