Liverpool á leik í Meistaradeild Evrópu í kvöld en liðið leikur þá við Red Star frá Serbíu í riðlakeppninni.

Leikur kvöldsins fer fram á Anfield en enska liðið tapaði síðasta leik sínum í riðlinum 1-0 gegn Napoli á Ítalíu.

Það er möguleiki fyrir Liverpool að setja met í kvöld þar sem engir serbnenskir stuðningsmenn verða á leiknum á Englandi.

Red Star var bannað að selja stuðningsmönnum sínum miða á fyrstu tvo útileiki Meistaradeildarinnar á tímabilinu og mætti enginn til að sjá liðið tapa 6-1 gegn PSG fyrr í mánuðinum.

Liðinu er refsað eftir hegðun stuðningsmanna í ágúst sem kveiktu meðal annars í flugeldum í undankeppninni gegn RB Salzburg frá Austurríki.

Möguleiki er á því að metfjöldi stuðningsmanna Liverpool verði á leiknum í kvöld en Anfield tekur 54,074 manns í sæti.

Besta mæting í sögu Liverpool í Evrópukeppni kom árið 1976 er 55,104 manns mættu til að sjá liðið spila við Barcelona. Þá mættu þó einnig spænskir stuðningsmenn á leikinn.