Eden Hazard leikmaður Chelsea hefur hingað til ekki viljað skrifa undir nýjan samning við félagið.

Hazard er með samning við Chelsea til ársins 2020 en hann hefur lengi verið orðaður við Real Madrid.

,,Ég vil ekki vera með neitt vesen,“ sagði Hazard sem var spurður að því hvort hann gæti farið í hart við Chelsea líkt og Thibaut Courtois sem fór frá Chelsea til Real Madrid í sumar.

,,Ég vil það sem er gott fyrir mig en ég vil líka það sem er gott fyrir Chelsea, félagið sem hefur gefið mér allt. Ég vil ekki segja að ég skrifi undir en svo geri ég það ekki. Ég sé til. Stundum vakna ég og hugsa að ég vilji fara, stundum vakna ég og hugsa um að ég vilji vera áfram.“

,,Þetta er erfið ákvörðun, þetta er mín ákvörðun. Ég er 27 ára og verð 28 ára gamall í janúar.“

,,Ég er að spila vel núna, Real Madrid er besta félag í heimi. Ég vil ekki ljúga til um það, það er minn draumur að spila þar. Mig hefur alltaf dreymt um þetta félag.“