Philippe Coutinho, sóknarmaður Liverpool er sterklega orðaður við Barcelona þessa dagana.
Börsungar lögðu fram þrjú tilboð í leikmanninn síðasta sumar en Liverpool hafnaði þeim öllum.
Enska félagið vill fá að minnsta kosti 130 milljónir punda fyrir leikmanninn sem vill ólmur komast til Barcelona.
Hvort Liverpool selji hann að lokum í janúar eða næsta sumar á eftir að koma betur í ljós en það virðist fátt geta komið í veg fyrir að hann yfirgefi England.
Liverpool Echo tók saman lista yfir sjö öfluga leikmenn sem gætu fyllt skarð Coutinho hjá félaginu en listann má sjá hér fyrir neðan.
Thomas Lemar (Monaco)
Julian Draxler (PSG)
Alexis Sanchez (Arsenal)
Yannick Carrasco (Atletico Madrid)
Manuel Lanzini (West Ham)
Christian Pulisic (Dortmund)
Nabil Fekir (Lyon)
