Philippe Coutinho, sóknarmaður Liverpool er sterklega orðaður við brottför frá félaginu.
Barcelona hefur áhuga á honum og lagði meðal annars fram þrjú tilboð í hann í sumar en Liverpool hafnaði þeim öllum.
Sjálfur vill leikmaðurinn komast til Spánar en Liverpool vill fá að minnsta kosti 130 milljónir punda fyrir hann.
Liverpool Echo greini frá því kvöld að forráðamenn félagsins séu tilbúnir til þess að gera allt til þess að halda honum hjá félaginu.
Þeir ætla að bjóða honum nýjan samning sem myndi færa honum talsvert hærri laun og þá eru þeir sagðir tilbúnir að gera hann að fyrirliða liðsins.
