Fjöldi leikja fór fram í ensku Championship-deildinni í dag og var þeim að ljúka núna rétt í þessu.
Birkir Bjarnason var í byrjunarliði Aston Villa í dag sem vann afar mikilvægan 3-1 sigur á Barnsley en Scott Hogan skoraði tvívegis fyrir Villa í leiknum.
Birkir spilaði sem djúpur miðjumaður í dag og stóð sig vel og spilaði allan leikinn í liði heimamanna.
Þá spilaði Jón Daði Böðvarsson allan leikinn í 0-1 tapi Reading gegn Brentford.
Aston Villa er á góðu skriði en liðið er í þriðja sæti deildarinnar með 50 stig en Reading er í því átjánda með 29 stig.
