Jurgen Klopp stjóri Liverpool segir að Neymar leikmaður PSG sé klókur að dýfa sér þegar reynt er að brjóta á honum.

Neymar er oft gagnrýndur fyrir leikaraskap sinn en Klopp skilur hann vel.

Klopp þarf að finna lausnir til að stoppa Neymar á morgun þegar Liverpool heimsækir PSG í Meistaradeildinni á morgun.

,,Ég veit ekki alveg um hvað þú ert að tala,“ sagði Klopp.

,,Ég horfði á nokkra leiki á HM, þar gerði hann kannski meira úr einhverjum atriðum. Það er eðlilegt, leikmenn eru alltaf að reyna að sparka hann niður. Það er sannleikurinn.“

,,Hann verður að verja sjálfan sig, ef hann fiskar gult spjald á mann, þá er sá leikmaður nær rauðu. Það er klókt.“

,,Við munum ekki reyna að sparka í hann, við viljum spila fótbolta. Við munum reyna að koma í veg fyrir sendingar til hans.“