Diego Maradona nýr þjálfari Dorados í Mexíkó fær það verkefni að koma liðinu aftur upp í efstu deild.

Dorados spilar í næst efstu deild en Maradona sem var einn besti knattspyrnumaður í heimi tók við liðinu í síðustu viku.

,,Ég vil gefa Dorados til baka því sem ég tapaði í veikindum mínum, ég var veikur í 14 ár. Núna vil ég sjá sólina, ég vil leggjast í rúmið mitt á kvöldin,“ sagði Maradona þegar hann var spurður um kókaín notkun sína.

Maradona hefur lengi verið háður kókaíni og virtist á HM í Rússlandi í sumar nota talsvert af efnum.

,,Ég var ekki vanur því að leggja mig neitt, ég vissi ekki hvað koddi var. Þess vegna tók ég tilboði Dorados.“

,,Ég tek ábyrgð eins og þetta sé mitt nýja barn.“