Simon Mignolet, markvörður Liverpool, er mjög pirraður eftir félagaskipti Loris Karius til Besiktas.

Karius skrifaði undir lánssamning við Besiktas í gær en hann var aðalmarkvörður Liverpool á síðustu leiktíð.

Alisson Becker er nú aðalmarkvörður liðsins sem þýðir að Mignolet er enn númer tvö hjá félaginu.

Belginn vill fá að spila en félagið hefur komið í veg fyrir félagaskipti hans í sumar.

,,Félagaskipti Karius breyta engu fyrir mig. Ég hef alltaf verið skýr: Ég vil fá að spila,“ sagði Mignolet.

,,Hvort sem ég sé númer tvö eða þrjú, það skiptir ekki máli. Það skiptir máli að ég fái að spila.“

,,Það hefur enginn rætt við mig eftir að Loris fór. Ég veit ekki hvernig mín framtíð lítur út. Við sjáum hvað gerist í þessari viku.“

,,Það er ansi skrítið að Karius hafi fengið að fara á láni og það var líka í boði fyrir mig. Af einhverjum ástæðum var það hins vegar ekki möguleiki.“

Enski boltinn á 433 er í boði