Valur 5-3 Fjölnir
1-0 Sigurður Egill Lárusson(45′)
2-0 Dion Acoff(48′)
2-1 Guðmundur Karl Guðmundsson(57′)
3-1 Torfi Tímoteus Gunnarsson(sjálfsmark, 67′)
3-2 Ægir Jarl Jónasson(85′)
4-2 Guðjón Pétur Lýðsson(87′)
5-2 Patrick Pedersen(91′)
5-3 Hans Viktor Guðmundsson(93′)
Valur er með þriggja stiga forskot á toppi Pepsi-deildar karla en liðið mætti Fjölni á Origo-vellinum í kvöld.
Valsmenn þurftu að hafa fyrir hlutunum í kvöld en þeir höfðu að lokum betur með fimm mörkum gegn þremur!
Sigurður Egill Lárusson kom Val yfir undir lok fyrri hálfleiks með stórkostlegu marki áður en Dion Acoff bætti við öðru snemma í síðari hálfleik.
Guðmundur Karl Guðmundsson lagaði svo stöðuna fyrir Fjölni áður en Torfi Tímoteus Gunnarsson varð fyrir því óláni að skora sjálfsmark fyrir gestina.
Ægir Jarl Jónasson skoraði svo annað mark Fjölnis undir lok leiksins áður en Guðjón Pétur Lýðsson og Patrick Pedersen gerðu tvö mörk til viðbótar fyrir Val og staðan orðin 5-2.
Hans Viktor Guðmundsson skoraði svo þriðja mark Fjölnis í uppbótartíma og lokastaðan 5-3 í ótrúlegum leik.
