Jose Mourinho, stjóri Manchester United, var að vonum fúll í dag eftir 3-2 tap liðsins gegn Brighton í ensku úrvalsdeildinni.
Mourinho segir að sínir menn hafi gert urmul af mistökum í leiknum sem kostuðu liðið á endanum.
,,Við gerðum stór mistök og okkur var refsað. Ég bjóst ekki við þessum mistökum því við erum ekki að tala um smávægileg mistök heldur risastór mistök,“ sagði Mourinho.
,,Okkur var refsað fyrir þessi mistök. Þegar þig skortir sjálfstraust þá er auðvelt að fylgja ekki leikplaninu.“
,,Við komum hingað með ákveðna hluti í huga en svo vorum við að tapa 2-0. Við vorum niðurlútir í hálfleik en leikmenn Brighton voru mjög ánægðir.“
