Varnarmaðurinn Toby Alderweireld hefur mikið verið orðaður við brottför frá félaginu í sumar.
Manchester United er talið hafa mikinn áhuga á Alderweireld sem spilaði ekki mikið á síðustu leiktíð.
Samningur leikmannsins rennur út næsta sumar en Tottenham er þó með þann möguleika að framlengja hann um eitt ár.
Samkvæmt belgíska miðlinum HLN þráir Alderweireld ekkert heitar en að komast annað í sumar.
Talið er að Alderweireld sé fáanlegur fyrir 65 milljónir punda sem hefur þótt of mikið fyrir flest lið.
Manchester City, Chelsea, Barcelona og Juventus eru einnig orðuð við þennan 29 ára gamla leikmann.
