Spænska blaðið Marca greinir frá því í dag að Everton á Englandi sé að eltast við vængmann Villarreal.

Leikmaðurinn umtalaði er hinn 27 ára gamli Denis Cheryshev sem spilar á vinstri vængnum hjá Villarreal.

Cheryshev var áður á mála hjá Real Madrid en hann fékk ekki mörg tækifæri til að sanna sig á Santiago Bernabeu.

Cheryshev vakti athygli á HM í Rússlandi en hann var einn besti leikmaður Rússa er liðið fór alla leið í 8-liða úrslit.

Cheryshev skoraði fjögur mörk fyrir Rússa í mótinu en hann byrjaði sem varamaður í fyrsta leik og kom sterkur inn í liðið.

Samkvæmt Marca hefur Everton áhuga á leikmanninum og gæti Gylfi Þór Sigurðsson því fengið nýjan samherja.