Manchester City hefur staðfest komu vængmannsins Riyad Mahrez en hann kemur til félagsins frá Leicester City. Mahrez gerir fimm ára samning.
Mahrez er 27 ára gamall kantmaður en hann hefur undanfarin fjögur ár leikið með Leicester City.
Mahrez spilaði 158 deildarleiki fyrir Leicester og skoraði 42 mörk. Hann á að baki einn Englandsmeistaratitil sem kom árið 2016.
Mahrez kostar City 60 milljónir punda en hann var valinn besti leikmaður Englands er Leicester vann deildina.
Mahrez fær nú tækifæri í mun sterkara liði og þarf að vinna sér inn sæti á næsta tímabili.
Mahrez er dýrasti leikmaður í sögu City og kostaði meira en varnarmaðurinn Aymeric Laporte sem kom til félagsins fyrir 57 milljónir punda.
