,,Ég tel að Eden Hazard sé besti leikmaður ensku úrvalsdeildarinnar,“ sagði Eiður Smári Guðjohnsen um Eden Hazard kantmann Chelsea.

Hazard er sagður á óskalista Real Madrid en Eiður þekkir það sjálfur að fara frá Chelsea og til Spánar.

Árið 2006 fór Eiður frá Chelsea og gekk í raðir Barcelona.

,,Það er flókið að lesa í þetta, leikmenn hafa mismunandi metnað og ég þekki hann ekki mjög vel. Hann þarf bara að vera glaður, þegar ég yfirgaf Chelsea þá vildi ég í raun ekki fara.“

,,Ég var í þeirri stöðu, við erum samt að tala um Barcelona og það var nánast ekki hægt að hafna þeim. Þetta er jákvæður hausverkur fyrir Hazard, Chelsea er frábært félag. Ég elska félagið og elskaði tíma minn þar, ég var leiður þegar ég fór.“

,,Ég vona að hann búi til fleiri minningar áður en hann fer, ég vona að hann verði áfram hjá Chelsea.“