Íslenska karlalandsliðið mun leika vináttuleik við Mexíkó þann 23. mars næstkomandi en þetta staðfesti KSÍ í gærkvöldi.
Leikurinn fer fram á Levi’s leikvanginum sem er heimavöllur San Francisco 49ers sem leikur í bandarísku NFL-deildinni.
Liðin hafa mæst í þrígang og alltaf í Bandaríkjunum en Ísland hefur aldrei unnið, gert tvö jafntefli og tapað einu sinni.
Mexíkó er í 17. sæti á styrkleikalista FIFA en Ísland er í 20. sæti en leikurinn er liður í undirbúningi liðsins fyrir HM í Rússlandi.
