Philippe Coutinho er gengin til liðs við Barcelona en þetta var staðfest í gær.
Kaupverðið er 145 milljónir punda og mun hann skrifa undir fimm og hálfs árs samning við spænska liðið.
Hann lenti í Barcelona í gær og mun gangast undir læknisskoðun hjá félaginu á næstu dögum.
Gary Neville sérfræðingur Sky Sports segir að verðmiðinn á Neymar og Kylian Mbappe síðasta sumar sé ekki svo hár eftir allt saman.
Neymar kostaði 198 milljónir punda á meðan Mbappe kostaði 166 milljónir punda.
,,Ég kann vel við Coutinho sem leikmann en núna virka Neymar og Mbappe sem kjarakaup,“ sagði Neville.
I like Coutinho as a player but Neymar and Mbappe now look good value!
— Gary Neville (@GNev2) January 7, 2018
