Philippe Coutinho, sóknarmaður Liverpool er á leiðinni til Barcelona en enskir fjölmiðlar fullyrða þetta í dag.
Kaupverðið er talið vera í kringum 145 milljónir punda sem gerir hann að þriðja dýrasta leikmanni heims á eftir þeim Neymar og Kylian Mbappe.
Sky Sports greinir frá því í dag að hann muni gangast undir læknisskoðun hjá spænska liðinu á mánudaginn og þá mun hann ferðast til Barcelona í kvöld.
Hann var myndaður í London í dag þar sem að hann var á leiðinni uppá flugvöll en myndir af þessu má sjá hér fyrir neðan.
