Mannauðstjóri Árvakurs, Svanhvít Ljósbjörg Guðmundsdóttir, sá sig tilneydda til að senda tölvupóst á alla starfsmenn fyrirtækisins, sem gefur út Morgunblaðið og mbl.is, til að hvetja starfsmenn til að kasta af sér á klósettum en ekki í ruslafötur.
Vísir greinir frá og vitnar í tölvupóst Svanhvítar: „Sæl. Eins og heiti tölvupóstsins gefur til kynna hefur einhver ítrekað pissað í ruslafötu á 1. hæðinni. Það eru ótal klósett í húsinu, vinsamlegast notið þau.“
Ekki kemur fram í frétt Vísis hvenær tölvupósturinn var sendur á starfsmenn.
