Málefni leik- og grunnskóla eru í miklum ólestri í borginni og ljóst er að borgarstjórn er í mikilli vörn í málinu. Það vekur óneitanlega athygli að minnihlutinn í borgarstjórn hefur ekki látið sig málið varða að neinu marki. Sem er merkilegt því þarna er á ferðinni mál sem varðar allar barnafjölskyldur í borginni. Reyndar er sofandaháttur minnihlutans það sláandi að segja má að þar séu menn ekki að standa hina pólitísku vakt heldur slái skjaldborg um verk meirihlutans. Ansi er það einkennileg pólitík, myndi nú einhver segja.