Lauren Ko er konan á bak við hinn gríðarlega vinsæla Instagram-reikning Lokokitchen, en margir eru á því að hún búi til fallegustu bökur í heiminum.
https://www.instagram.com/p/BrBIqftAuFb/
Lauren er 31 árs og býr í Seattle í Bandaríkjunum, en bökurnar hennar hafa meðal annars vakið athygli kanóna í fjölmiðlabransanum eins og Mörthu Stewart og Opruh. Þessi mikla athygli gerði það að verkum að Lauren gat hætt í vinnunni sinni og einbeitt sér að bökunarástríðu sinni.
https://www.instagram.com/p/BpkNDTFgFoA/
Áður en bökurnar slógu í gegn vann Lauren 56 tíma á viku á skrifstofu og hafði ekki tíma til að baka eða þróa nýjar hugmyndir. Hún hætti í vinnunni í fyrra og einbeitir sér nú að því að hanna nýjar bökur og heldur einnig námskeið og vinnustofur í Seattle og Portland.
https://www.instagram.com/p/BkfxGs_Fb4v/
Margar af bökunum hennar líta ekki einu sinni út eins og bökur heldur frekar eins og hversdagslegir hlutir. Lauren sækir einmitt innblástur í hvað sem er, hvort sem það eru baðherbergisgólf eða handtöskur.
https://www.instagram.com/p/Bb5AHBlHegE/
Hún bakaði sína fyrstu böku árið 2016 og vildi prófa eitthvað alveg nýtt í þeim efnum, sem heppnaðist svona líka vel. Hún opnaði Instagram-síðu í ágúst árið 2017 en fyrsta færslan hennar fékk sex hundruð læk. Nokkrum vikum síðar voru fylgjendur komnir upp í fjögur þúsund og nú eru þeir komnir yfir 250 þúsund.
https://www.instagram.com/p/Bhw1JergVvl/
Bökurnar hafa sannarlega breytt lífi Lauren en hún vinnur nú að sinni fyrstu matreiðslubók.
https://www.instagram.com/p/BmJVBHTgRqy/