Twitter-notandi að nafni Stephanie setti Twitter-samfélagið svo sannarlega á hliðina á milli jóla og nýárs. Stephanie birti mynd af Toblerone-pakka með eftirfarandi orðaskiptum við son sinn.
„Sonur minn fékk í fyrsta sinn Toblerone í dag. Hann spurði: „Af hverju eru björn þarna?“ Ég: „Hvaða björn?“,“ skrifar Stephanie, sem hafði ekki hugmynd um að lítill björn væri að fela sig í fjallinu á Toblerone-pakkanum.
My son had his first Toblerone today. “What’s the bear for?”
Me: “what bear?”
.
I was today years old when I found out there’s a bear in the Toblerone logo. pic.twitter.com/CmwRO2BFww— Stephanie ✨✨ (@upstephanie) December 27, 2018
„Ég var jafn gömul og ég er í dag þegar ég fékk að vita að það er björn í Toblerone-lógóinu.“
Svipuð mál þar sem fólk hefur uppgötvað björninn hafa komið upp áður. Þrátt fyrir það voru fylgjendur Stephanie á Twitter í áfalli yfir þessari uppgötvun og hefur færslunni verið endurtíst tæplega átta þúsund sinnum. Virðist sem margir hafi alls ekki áttað sig á þessum sæta birni í fjallinu fyrr en nú.
„Ég hef aldrei séð þetta!!! Sonur þinn er snillingur!“ skrifar einn og margir taka í sama streng.
„Ég hef borðað þetta í fimmtíu ár og aldrei tekið eftir þessu. Strákurinn þinn er snillingur. Mér til varnar þá er ég minnst að hugsa um umbúðirnar þegar ég fæ mér svona.“
Einnig voru margir sem töldu þetta það áhugaverðasta sem hefði gerst á árinu sem er að líða.
Hvað segja lesendur DV? Voruð þið búin að taka eftir Toblerone-birninum?
