Catalina Ncogo, sem var dæmd fyrir hórmang árið 2010, hefur fengið sig fullsadda af því að íslenskar vændiskonur biðji hana um að verða melludólg sinn. Hún kvartar undan þessu á Snapchat.
Nútíminn greinir frá þessu. „Þetta er orðið þreytt, svo margar íslenskar konur að biðja mig um að vera umboðsmaður þeirra í kynlífsbransanum. Ég vil að þetta hætti,“ segir Catalina á Snapchat. Hún birtir enn fremur skilaboð frá konu sem óskar eftir aðstoð hennar.
„Geturðu gert mér greiða og bætt mér í kynlífshópa á Facebook. Eða geturðu kannski hjálpað mér að hitta einhvern. Kyn skiptir engu máli. Ég get borgað þér eða þú getur rukkað viðkomandi. Ég er með stað,“ segir í þeim skilaboðum.
Þrátt fyrir þessi skilaboð þá virðist Catalina ekki hafa lagt hórmangið alveg á hilluna, í það minnsta auglýsti hún fylgdarþjónustu sína á Snapchat í fyrra. Vísir fjallaði um það. Í þeim skilaboðum birti hún mynd af „stelpunum sínum“ og gátu fylgjendur hennar óskað eftir því að hitta þessar konur.