Rússnesk yfirvöld hafa lýst yfir þjóðarsorg í þrjá daga í kjölfar hryðjuverksins í neðanjarðarlestarkerfi St. Pétursborgar í gær. Ein sprengja sprakk með þeim afleiðingum að fjórtán einstaklingar létu lífið en 49 slösuðust. Þá náðu sprengjusérfræðingar að aftengja aðra sprengju á ótilgreindum stað.

Lestarstjórinn hylltur sem hetja

Lestin, sem varð vettangur árásinnar, var á leiðinni frá Tekhno­logichesky Institut-stöðinni að lestarstöðinni við Sennaya-torg þegar sprengjan sprakk. Lestarstjórinn er hylltur sem hetja í rússneskum fjölmiðlum en hann brást hárrétt við með því að halda ferðinni áfram og stöðva ekki lestina fyrr en á áfangastað. Með því auðveldaði hann aðgengi að lestinni til muna fyrir björgunarmenn og talið er að það hafi skipt sköpum varðandi hversu mörgum tókst að bjarga.

Sá grunaði frá Jalilov

Greint hefur verið frá því að sá sem grunaður er fyrir hryðjuverkið í St. Pétursborg í gær heiti Akbarzhon Jalilov og er frá Kyrgyzstan. Hann er fæddur árið 1995 og er því 22 ára gamall. Sögusagnir eru á kreiki að um sjálfsmorðsárás sé að ræða en ekkert hefur verið staðfest í þeim efnum. Yfirvöld í Kyrgyzstan lýstu því yfir að þau myndu gera allt til þess að liðka fyrir rannsókn málsins.