Tollverðir í Vestmannaeyjum lögðu á dögunum hald á mikið magn af smyglvarningi. Um var að ræða áfengi og tóbak sem ekki hafði verið gerð grein fyrir við innflutning til Íslands. Morgunblaðið greinir frá þessu.
Varningurinn var um borð í bifreið sem var á leið með Herjólfi til lands. Talið er að varningurinn hafi komið til landsins með Lagarfossi, flutningaskipi Eimskips. Málið er til rannsóknar.