fbpx
Fimmtudagur 24.janúar 2019

DV - Frjáls og óháður miðill

Fáðu DV í áskrift

Þú getur valið prentáskrift eða vefáskrift

Sjá nánar eða Lesa blaðið
Fréttir

Fanný og útlendingar æfir yfir íslensku námsefni um þræla til forna: „Hvítt fólk er svo brothætt“

Hjálmar Friðriksson
Mánudaginn 11. desember 2017 10:56

Fanný Cloé deilir innan Facebook-hóps ætluðum útlendingum búsetum á Íslandi pistli þar sem hún fordæmir námsefni í íslenskum grunnskólum um þrælahald á Íslandi til forna. Hún segist titra af bræði en í námsbókinni er verkefni þar sem börnum er sagt að búa til sinn eigin þræl með bakgrunn, fjölskyldu og drauma.

Margir benda henni á að tilgangur verkefnisins sé að auka samkennd barna með þrælum til forna meðan ein kona vill meina að verkefnið sé dæmi um „hvít forréttindi“, þó þrælar á Íslandi hafi ekki verið svartir á hörund. Þrælahald tíðkaðist við landnám Íslands og voru flest allir þrælar herfang víkinga af Bretlandseyjum. Þrælahald lognaðist út síðar en erfðarannsóknir benda til þess að þrælarnir hafi blandast við norræna landnema og því séu allir Íslendingar komnir af þrælum.

Fanný tekur fram að hún sé alls ekki mótfallin því að börnum sé kennt um þrælahald en veltir fyrir sér þeirri aðferð sem þarna er farin; það sé hneyksli að börnum sé kennt um þræla á þennan máta og segist hafa bannað dóttur sinni að gera verkefnið. Verkefnið er byggt á bókinni Frá Róm til Þingvalla, ætlað eldri grunnskólabörnum, og eru börnum sagt að gefa þrælnum nafn, lýsingu, framtíðardrauma og lýsa hvaðan hann komi. Fanný gagnrýnir sérstaklega að ekki sé ætlast til þess að þrælinn sé frá Íslandi. Hún gagnrýnir enn fremur harðlega að í bókinni sé sagt að ekki sé fyllilega vitað hvers vegna Íslendingum hafi ekki þótt það borga sig að hafa þræla.

Líkt og fyrr segir deilir Fanný stöðufærslu sinni innan hópsins „Away from Home – Living in Iceland“, hópi fyrir nýbúa á Íslandi. Fjöldi manns skrifar athugasemd og sitt sýnist hverjum. Flestir tjá sig á ensku. David nokkur Gundry spyr hvort það sé betra að segja börnum ekki frá þrælahaldi á Íslandi og að honum sýnist sem markmið verkefnisins sé að sýna börnum að þrælar hafi verið raunverulegt fólk með fjölskyldu og drauma.

Því svarar Nicolai Gabriel Lanz á íslensku. „Einmitt það sem ég var að hugsa. Tilgangur verkefnisins er greinilega að sýna að þrælarnir voru manneskjur með drauma og ekki bara „eign“… Þrælahald er hluti sögu Íslands. Af hverju ætti að hvítþvo sögu Íslendinga?“

Samantha Ravenna Shay er á öðru máli og fordæmir verkefnið. „Sú staðreyndin að börnin eru ekki bara að læra um þrælahald heldur verið að biðja þau um að búa til þræla viðheldur hvítum forréttindum og hugmyndum um yfirburð hvíta kynstofnsins með því að kenna þeim að þau megi eiga og búa til annað fólk. Þau eru EKKI bara að læra um þrælahald,“ skrifar Samantha.

Fyrrnefndur Nicolai segir þetta bull því þrælar á Íslandi hafi verið jafn hvítir og þrælahaldarar. Því svarar Samantha í hástöfum: „Hvítt fólk er svo brothætt.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Sjáðu magnað myndband Rúnars af bíræfnum bílaþjóf gómuðum af lögreglu

Sjáðu magnað myndband Rúnars af bíræfnum bílaþjóf gómuðum af lögreglu
Fréttir
Í gær

Sindri ákærður fyrir manndrápstilraun – Stakk Elmar margoft

Sindri ákærður fyrir manndrápstilraun – Stakk Elmar margoft
Fréttir
Fyrir 2 dögum

Hefur þú séð þennan bíl? Lögreglan leitar að honum

Hefur þú séð þennan bíl? Lögreglan leitar að honum
Fréttir
Fyrir 2 dögum

Mynd dagsins: Keyrði fram hjá Háteigsskóla – „Þetta var einhver að flýta sér“

Mynd dagsins: Keyrði fram hjá Háteigsskóla – „Þetta var einhver að flýta sér“
Fyrir 3 dögum

Réttarkerfið kostaði Stacey lífið

Réttarkerfið kostaði Stacey lífið
Fréttir
Fyrir 3 dögum

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“

Lögreglumönnum brugðið eftir atvik í morgun: „Lögreglumaður á vettvangi sagði við kollega sinn að þetta myndi ekki enda vel“
Fréttir
Fyrir 3 dögum

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“

Asískt þjófagengi rænir skrautfiskum og kórölum – Kjartan: „Ætli verðmæti þeirra hafi ekki verið um 100 þúsund krónur“
Fréttir
Fyrir 3 dögum

„Ég sakna þess ofboðslega mikið að fá ekki að tala við mömmu“

„Ég sakna þess ofboðslega mikið að fá ekki að tala við mömmu“