Lögreglan í Jerúsalem skaut niður grunaðan hryðjuverkamann sem keyrði vörubíl inn í hóp hermanna. Minnst 15 særðust. Þessu greinir fréttaveita BBC frá rétt í þessu.

Áður kom fram að fólkið hefði verið gangandi vegfarendur en nú hefur komið í ljós að um hermenn var að ræða. Árásin var gerð á vinsælli göngugötu með útsýni yfir gamla bæinn í Jerúsalem.

“Þetta er sláandi hryðjuverk,” segir talskona lögreglunnar í samtali við ísraelska útvarpið. Greint var frá að lík væru dreifð um göturnar. Komið hefur í ljós að fjórir hafi látist í árásinni, þrjár konur og einn karlmaður. Voru þau öll á þrítugsaldri. Einnig sagði hún að árásarmaðurinn hefði verið skotinn af hópnum sem hann réðst á.

Lögregluforingi í Ísrael, Roni Alsheich, sagði í viðtali við fréttamenn að árásarmaðurinn hefði verið frá arabísku hverfi í austur Jerúsalem.

Einungis eru fáeinar vikur síðan 12 manns létust í árásinni í Berlín, þar sem flutningabíll ók inn í mannsfjölda á markaðnum þar.